2016年8月28日 星期日

東方日報訪問談如何選股

網誌分類:股票經
網誌日期:2016-08-28

上個星期一,東方日報財經紀者Carol張(「孖妹S檔案」財經專欄作者)邀請我做訪問,希望我可以談談「怎樣挑選長遠有可觀升幅潛力股票的要缺」。考慮了片刻,我欣然接受了她的邀請,主要基於兩點:首先,這個題目關乎投資理念,頗適合自己用個人的投資經驗去分享;另外,東方日報的讀者群廣泛,並以業餘投資者居多,透過訪問,我認為可以藉著傳媒的影響力,讓更多讀者認識到自己的投資理念及著作《實踐價值投資的真諦》,對弘揚「價值投資」的好處有莫大的幫助。

訪問當天過程很順利,只用了約一小時的時間,而我的心情也很輕鬆。除了一般的問答環節外,記者還帶來攝影師,拍了約3分鐘的錄影(video)短片。訪問的網上版會於今晚在東網出街,而報紙版將會於明天(周一)在東方日報刋登,有興趣的網友不妨留意。

孖妹S檔案:搵第二隻騰訊 潛力股發掘秘笈


http://hk.on.cc/hk/bkn/cnt/finance/20160828/bkn-20160828145535661-0828_00842_001.html



鍾:財經網誌作者 鍾記

彩兒:聽講你喺股場打滾咗廿幾年,仲係巴菲特嘅忠實粉絲,堅持用價值投資法做長線投資,股海茫茫,你又點揀到隻好股長相廝守?

鍾:我會揀啲有經濟專利嘅公司,條件包括產品好受歡迎、冇替代品,同埋冇價格管制,港交所(00388)就係好典型擁有經濟專利嘅公司,喺香港炒股一定要經港交所,佢係獨市生意,又唔似有啲公用股咁有價格限制。有咗呢啲護成河,市佔率可以做大,邊際利潤亦會較高。

除咗經濟專利之外,公司仲要有增長潛力,如果處身嘅市場已經成熟咗,有經濟專利都冇用。另外要有好嘅企業管治,即係管理層唔會做啲損害小股東利益嘅野。

Kitty:最弊我哋升市嗰時就驚高追,到跌市人人恐懼嘅時就更加恐懼,究竟點先可以掌握到買貨長揸嘅時機呀?

鍾:作為價值投資派,我會先計吓間公司嘅內在價值,用嚟計內在價值嘅工具有好多,唔同行業嘅公司適用唔同工具,如果隻股份嘅股價比內在價值低20至30%,就會有安全邊際,呢個就係買入時機,呢啲時機通常都喺個市大跌嘅時候出現,公司出現短期嘅壞消息都可以係個買入時機。

當股價高出內在價值20至30%,或者係間公司嘅基本因素改變咗,唔再優質,就係沽貨嘅時候,好似瑞安房地產(00272)咁,最初我好鍾意佢個經營模式,但原來喺上海做得好,唔等於喺其他城市可行。

Kitty:依家邊隻港股又可以贏到你嘅歡心?

鍾:香港可以長揸嘅優質股唔多,我諗十隻手指數得晒,寧願錯過,唔好買錯。自己睇好嘅有港交所、友邦保險(01299)、金山軟件(03888)、金碟國際(00268)同埋比亞迪股份,呢幾間公司係我嘅主要持股。友邦係亞洲保險市場嘅龍頭,代理團隊好強,新業務價值增長每年都保持雙位數。

金軟同金碟屬中型規模嘅公司,未來有望發大,金軟之前出嘅業績超乎市場預期,雖然上半年蝕6.7億元人民幣,但包含一次性減值,加上管理層話第二季屬低潮,預計未來兩季收入會穩定增長,毛利率會輕微增加,計返估值唔算貴。



32 則留言:

  1. 恭喜鐘兄見報了,近期東方頗留意blogger,70後兄剛見報又到你了,真厲害。

    回覆刪除
    回覆
    1. 止凡兄:見笑了。bloggers的影響力真的越來越大呢,哈哈!

      刪除
  2. 恭喜鍾兄終於見報了。
    其實各位博客兄台(止凡兄,財叔兄,鍾兄,巴黎兄,市場兄,籃冰兄,東㫒兄,飛鳥兄,starman兄及其他......的),是真心及無私分享他/她的理念和心血文章給網友,值得鼓勵和支持。
    時間是最好的朋友,這些文章是訖立不倒。
    再次恭喜鍾兄!

    回覆刪除
    回覆
    1. Ron兄:同意很多bloggers都付出不少心力,無私與網友分享,很值得鼓勵和支持。說實話,沒有你們的支持,我想我也不會寫到現在,哈哈!

      刪除
    2. 嘩, 有我份, 多謝多謝 !

      刪除
    3. 東昇兄的文章那麼認真地去寫,網友當然看得出來啦,加油!

      刪除
  3. 嘩,太好了。
    你的著作重量很輕,很環保,我送了一本給海外朋友。

    回覆刪除
  4. 鐘兄,雪球上睇到一篇關於3888之前盈警的幾特別的分析,大概意思係質疑‘金山软件为什么对世纪互联、迅雷网络的投资进行减值拨备’的合理性,覺得有有意質低股價的意思,我自己就最怕遇到之前的阿里巴巴1688私有化呢D事情,唔知道鐘兄有冇咩野comment?

    https://xueqiu.com/8887838666/71442249

    Thanks!
    Ray

    回覆刪除
    回覆
    1. Ray兄:有趣的文章分析,但比較陰謀論,我不懂。
      我不太擔心私有化的風險,因為金山軟件的股權比較分散,除非大股東提出私用化的價格很高,否則成功的機會不大。

      刪除
    2. 多謝鐘兄快速回复,剛剛訂咗你本大作,準備慢慢欣賞 :)

      刪除
    3. Ray兄:多謝支持。但何解要訂?沒現貨嗎?

      刪除
    4. 因為唔得閒行去書店 > <

      刪除
    5. Ray兄:希望你會喜歡我的著作,慢慢欣賞 :)

      刪除
  5. 鍾兄的《實踐價值投資真諦》一書(第二版)中亦已強調,排序、理念及生活中實例、寫得簡單易明、期待鍾兄再出新書!

    回覆刪除
    回覆
    1. 很開心拙作能夠得到Oscar兄的欣賞,多謝支持!

      刪除
    2. 人的一生,被改變向好的,是一種福氣,而改變人向好的,真的感恩網上遇到你;你說人不向利追求的,是騙人,但我深知我被你的價值追求精神影響了,不管最後如何,還真的感謝你的啟法和教導,謝謝

      刪除
    3. Oscar兄:看到您的留言,我真的很感動。
      其實網友的支持也改變了我的人生下半場。「施比受更有福」,我感受到付出的成果,自己都會快樂。

      刪除
  6. 凡事有好在壞,呢D報導真係到喉唔到肺,老實說,咪埋眼高追你介紹个几隻,後市升階大歡喜, 後市跌就反罵你乜七价值投資

    回覆刪除
    回覆
    1. 多謝匿名兄的提醒。其實我在訪問當中都有提到安全邊際的重要性,希望讀者會看到,千萬不要高追估值高的股票。
      有時候傳媒的報導篇幅可能不夠深入,也可能會流於片面,讀者應該有自己獨立的思考,投資事情自己負責。

      刪除
  7. 加油Benny兄!
    今次你的價值投資班因時間關係沒辦法參與,唯有繼續多讀經典書充實自己

    回覆刪除
    回覆
    1. Jason兄:不打緊,多讀經典投資書籍學習也不錯呢,加油!

      刪除